Ж. Досмұхамедов атындағы жоғары педагогикалық колледжінде 24 ақпан күні қазақ тілі мен әдебиеті кафедрасы Қаратөбе аудандық мектептерінің 9,11 - сынып оқушыларына кәсіптік бағдар беру мақсатында ZOOM платформасы арқылы онлайн кездесу өткізді.
Кафедра оқытушысы Қойшекенова Алтынгүл Тұрсынғалиқызы "педагог" мамандығының қоғамдағы маңызы мен мәртебесін айта отырып педагог мамандарды даярлауға ғасырдан аса уақыт бойы қызмет етіп келетін колледжіміздің тарихы туралы баяндады. Колледжіміздің таныстырылым бейнеролигінің көрсетілімінен соң кафедра оқытушысы Ізімова Сағира Кенжебекқызы колледжіміздің жатақханасы туралы ақпарат беріп сапалы да ұлағатты оқытушылар құрамымен таныстырды. Сонымен қатар колледжіміздің материалдық- техникалық жабдықталуы, оқу үрдісінін жүзеге асыруды қамтамасыз ететін SMART NATION платформасы мен PEDKOLLEGE.KZ сайты туралы ақпарат берді. Ең маңыздысы келесі оқу жылында қабылдау жүргізілетін мамандықтардың тізімі толықтай таныстырылып қажетті құжаттар топтамасы мен шығармашылық емтихандар өтетін мамандықтар анықтап түсіндірілді. Онлайн кездесу барысында Шалғын НО мектебінде колледжіміздің түлегі былтырғы жылы оқуын тәмәмдап мұғалім қызметін бастап қатарымызға қосылғанын білу біз үшін мақтаныш болды. Қаратөбе ауданының 9,11 - сынып түлектерін келесі оқу жылында колледж қабырғасынан көреміз деп сенеміз.