Наурыз мерекесі - халқымыздың сан ғасырдан бері келе жатқан ең құнды мерекесі. Бұл күні жер көгеріп, гүлдер қауыз жарып, күллі тіршілік атаулы жанданып, жасарады.
19 наурыз күні Жаңару күніне орай студенттер үйінде де Наурыз мейрамы тойланды.
18 наурыз күні Ж.Досмұхамедов атындағы жоғары педагогикалық колледжінде Студенттік Парламенттің және “Әй-керім” қыздар клубының ұйымдастыруымен ұлттық киімді насихаттау мақсатында “Жаһанша аруы 2024” байқауы өтті.
Батыс Қазақстан облыстық Білім басқармасының ұйымдастыруымен Ж.Досмұхамедов атындағы жоғары педагогикалық колледжінде НАУРЫЗНАМА Наурыз мейрамын тойлаудың жаңа тұжырымдамасы бойынша отбасылық құндылықтарын дәріптеуге арналған «ҚАРАШАҢЫРАҚ –ҚАСИЕТТІ ҰҒЫМ» атты мерекелік шара өтті. Шараға БҚО Білім басқармасының басшысы Мыңбаева Айгүл Әділгерейқызы, педагогикалық еңбек ардагерлері, ата-аналар, колледж оқытушылары мен студенттер және бірнеше халықаралық ән байқауларының жүлдегері әнші жерлесіміз Ержан Максим қатысты.
Батыс Қазақстан облысы Білім басқармасының ұйымдастыруымен Ж.Досмұхамедов атындағы жоғары педагогикалық колледж 3асКДО-9 тобының еріктілері ШЖҚ "Көпбейінді қалалық аурухананың” жаңа туған аналар мен нәрестелерге “Шаңырақ” күні аясында “Наурыз-базарлық” ұйымдастырды. Шағын мерекелік концерт өлеңмен басталып, аналармен тренинг өткізілді. Аналарға арнау оқылды.
Биылдан бастап “Наурызнама”тұжырымдамасы бойынша Наурыз мейрамы еліміздің жер жерінде әр күн сайын ерекше тойланып жатыр.
Ж.Досмұхамедов атындағы жоғары педагогикалық колледжінде амал мерекесінде дәстүрлі әншілер, ҚР Халық әртісі Рамазан Стамғазы, Қазақстанның еңбек сіңірген қайраткері Ардақ Исатаева қатысқан сұқбаттасу, өнер шашу кездесуі өтті. Кездесуде қонақтардың шығармашылығындағы жаңалықтарына шолу жасап, алдағы жоспарларға тоқталды.
Наурызнама аясында колледжіміздің Ынтымақ еріктілер тобы Орал әлеуметтік қызмет көрсету орталығында болып, мерекелік бағдарлама ұсынды. Еріктілеріміз ән айтып, жырдан шашу шашып, концерт соңында қарттарға тәттілерін ұсынды.
